پاکستان

پاکستان کا موقف دنیا نے تسلیم کرنا شروع کردیا ہے،ایک وقت تھا،غیر ملکی عناصر،لابنگ کے باعث بی ایل اے کو دنیا کو دہشتگرد تسلیم نہیں کرتی تھی،علیحدگی پسند قرار دیکر ان کی کارروائیوں کو جواز بخش دیا جاتا تھا۔

لیکن پاکستان کی موثر کوششوں اور بی ایل اے کی جانب سے مسلسل بلوچ عوام پر حملوں کے بعد دنیا نے یہ تسلیم کرلیا ہے کہ بی ایل اے ایک دہشتگرد گروہ ہے۔ اب بی ایل اے کے بلوچ عوام پر ہر ظلم کی دنیا مذمت بھی کرتی ہے اور بلوچ عوام کا ساتھ بھی دیتی ہے۔

پاکستان میں تعینات جرمن سفیر نے خضدار میں لیڈی کانسٹیبل ملک ناز کی بی ایل اے کے ہاتھوں شہادت کی شدید مذمت کرتے ہوئے اس واقعے کو قابل افسوس اور ناقابل قبول قرار دیا ہے۔ جرمن سفیر نے شہید ملک ناز کے شوہر اور تین بچوں سے دلی ہمدردی اور تعزیت کا اظہار کیا۔

بلوچ عوام میں بی ایل اے کا ڈر ختم ہورہا ہے،ڈر کے کھیل میں بی ایل اے جس کو چاہتی تھی اپنے لئے استعمال کرتی تھی۔

بلیدہ میں ایک بلوچ خاندان نے بی ایل اے کے انٹیلی جنس یونٹ کے لئے کام کرنے سے انکار کیا،سیکیورٹی فورسز کی نقل و حرکت سمیت دیگر خفیہ معلومات اکھٹی کرنے سے انکار کیا۔ اُس خاندان پر شدید دباؤ ڈالا جاتا رہا،وہ مسلسل انکار کرتے رہے،حالیہ ناکام حملوں کے بعد تو ویسے بھی بلوچ عوام بی ایل اے کے لئے شدید نفرت کا اظہار کرتے ہیں۔

ڈر قائم کرنے کےلئے بی ایل اے نے مقامی بلوچ خاندان پر حملہ کیا،مارٹر گولوں سے ان کا گھر جلادیا،گھر کی 3 خواتین اور 3 مردوں کو شہید کردیا،3 بچے زخمی کردیے۔ اس دوران ایک حملہ آور مقامی افراد کے ہتھے چڑھ گیا،جسے لوگوں نے جلاکر راکھ کردیا اور بی ایل اے کو پیغام دیا کہ ان کے ظلم و ستم کے سامنے جھکیں گے نہیں۔ سیکیورٹی ذرائع کا دعویٰ ہے کہ بی ایل اے پہلے مقامی بلوچ افراد کو ڈرا دھمکا کر یا لالچ دیکر مخبری کرالیتی تھی،اب اب نہ صرف بلوچ عوام ان کو انکار کرتے ہیں بلکہ سیکیورٹی فورسز کو بھی آگاہ کرتے ہیں۔