سعودی عرب کی جانب سے گوادر میں آئل ریفائنری کے قیام کے لیے تقریباً 10 ارب ڈالر کی سرمایہ کاری کا امکان ظاہر کیا گیا ہے۔
ذرائع کے مطابق مجوزہ ریفائنری کی یومیہ پیداواری صلاحیت 4 لاکھ بیرل تک ہو سکتی ہے، جبکہ اس منصوبے میں پاکستانی کمپنیوں کی 40 سے 45 فیصد تک شراکت متوقع ہے۔
اطلاعات کے مطابق سعودی کمپنی آرامکو پاکستانی کمپنیوں کے ساتھ مل کر اس منصوبے پر کام کرے گی۔ منصوبے کو فروغ دینے کے لیے 20 سالہ ٹیکس چھوٹ دینے کی تجویز بھی زیر غور ہے۔
ذرائع کا کہنا ہے کہ ممکنہ شراکت دار پاکستانی کمپنیوں میں پاکستان اسٹیٹ آئل (پی ایس او)، آئل اینڈ گیس ڈیولپمنٹ کمپنی لمیٹڈ (او جی ڈی سی ایل)، پاکستان پٹرولیم لمیٹڈ (پی پی ایل) اور گورنمنٹ ہولڈنگز پاکستان لمیٹڈ (جی ایچ پی ایل) شامل ہیں
