سیکیورٹی فورسز نے بی ایل اے کا دہشتگردی کا بڑا منصوبہ ناکام بنادیا
سیکیورٹی فورسز کو بی ایل اے کے اندر سے ہی خفیہ اطلاع موصول ہوئی کہ مستونگ کے علاقے کردگاپ میں کسی دہشتگرد منصوبے کی پلاننگ جاری ہے۔
انتہائی خفیہ انداز میں جدید جاسوسی آلات کا مہارت سے استعمال کرتے ہوئے ٹریس کیا گیا۔
سرویلئنس کے دوران یہ انکشاف ہوا کہ دہشتگرد ایک بارود سے بھری گاڑی کو دہشتگرد منصوبے کے لئے استعمال کرنا چاہتے ہیں۔جاسوسی کے دوران پتہ چلا کہ دہشتگرد کسی سول مقام کو نشانہ بناکر بلوچ عوام کو اذیت پہنچانا چاہتے ہیں مقصد اپنا ڈر واپس بٹھانا تھا۔
سیکیورٹی فورسز نے جدید آلات کا استعمال کرتے ہوئے دہشتگردوں کا وہ ٹھکانہ تباہ کردیا جہاں پلاننگ جاری تھی اور بارود سے بھری گاڑی بھی تباہ کردی گئی ہے۔
