گوادریونیورسٹی کے وائس چانسلر ڈاکٹر عبدالرزاق صابر اور پرو وائس چانسلر ڈاکٹر سید منظور احمد کو بی ایل اے نے اغواء کرلیا
دونوں اعلیٰ تعلیمی افسران گزشتہ روز گوادر سے کوئٹہ آرہے تھے کہ راستے میں ان سے رابطہ منقطع ہوگیا، جبکہ یونیورسٹی ذرائع نے مستونگ کے علاقے میں اغوا کیے جانے کا خدشہ ظاہر کیا ہےگوادریونیورسٹی کے وائس چانسلر ڈاکٹر عبدالرزاق صابر اور پرو وائس چانسلر ڈاکٹر سید منظور احمد سرکاری گاڑی میں کوئٹہ جارہے تھے۔
پولیس کے مطابق واقعے میں ایک لیکچرار اور گاڑی کا ڈرائیور بھی لاپتہ ہوئے ہیں یونیورسٹی ذرائع کا کہنا ہے کہ دونوں افسران ممکنہ طور پر مستونگ کے علاقے میں گاڑی سمیت اغوا ہوئے، جبکہ ان سے آخری رابطہ بھی مستونگ کے قریب ہوا تھا۔
وائس چانسلر کے خاندانی ذرائع نے تصدیق کی ہے کہ ڈاکٹر عبدالرزاق صابر پر بی ایل اے کی جانب سے شدید دباؤ تھا،وائس چانسلر بی ایل اے کے عزائم کو یونیورسٹی میں پورا نہیں ہونے دے رہے تھے۔ریاست مخالفت سرگرمیوں اور ذہن سازی سے متعلق اقدامات کو روکتے تھے۔
