آسٹریلوی وزیر خارجہ نے اقوام متحدہ کے چارٹر، ایکٹ 1945 کے سیکشن 15 کے تحت تین افراد اور ایک کالعدم تنظیم کو ٹارگٹڈ فنانشل سینکشنز کے لیے فہرست میں شامل کر دیا ہے۔
آسٹریلیا کے محکمہ خارجہ کی کالعدم فہرست میں بشیر زیب، حمل ریحان، جیئند بلوچ اور کالعدم بلوچ لبریشن آرمی کا نام شامل ہے۔
آسٹریلوی حکام کے مطابق یہ اقدام اقوام متحدہ کی سلامتی کونسل کی قرارداد 1373 کے تحت کیا گیا ہے۔ اس قرارداد کے تحت ریاستوں پر لازم ہے کہ دہشت گرد کارروائیوں میں ملوث، ان میں حصہ لینے والے یا سہولت کاری کرنے والے افراد اور اداروں کے فنڈز، مالی اثاثے اور معاشی وسائل فوری طور پر منجمد کیے جائیں۔
پابندیوں کے تحت آسٹریلیا میں کسی بھی شخص یا ادارے کے لیے فہرست میں شامل افراد یا تنظیموں کے اثاثے استعمال کرنا، منتقل کرنا، ان سے لین دین کرنا یا انہیں مالی فائدہ پہنچانا جرم ہوگا۔
